Arjen Robben refuzoi publikisht të mbrojë Carlo Ancelottin pasi Bayern Munichu u mposhtë nga Paris Saint Germaini.

Reprezentuesi holandez hyri në fushë nga bankina në pjesën e dytë gjatë disfatës 3 me 0 në Parc des Princes pas golave nga Dani Alves, Edinson Cavani dhe Neymar, transmeton portali arbresh.info.

Pas disfatës së tmerrshme, vëmendja u kthye shpejtë te e ardhmja e Ancelottit në Munich dhe Robben refuzoi t’i ofrojë mbështetje trajnerit të tij në deklaratën pas ndeshjes.

“Nuk do t’i përgjigjem kësaj pyetje”, tha ai kur është pyetur nëse skuadra e Bayern Munichu është prapa ish trajnerit të Chelseat.

Më pas, Robben foli rreth përzgjedhjes së skuadrës nga italiani duke thënë se “Formacioni është punë e trajnerit”.

“Nuk do të them asgjë për këtë. Çdo fjalë në këtë rast do të jetë e tepërt”

“Gjëja e rëndësishme është që ne të qëndrojmë së bashku tani si një skuadër. Ne kemi nevojë për paqe. Kushdo që shfaq tani pakënaqësi nuk i ndihmon skuadrës”

Ancelotti ka thënë se formacioni i tij ishte shumë i rrezikshëm, veçanërisht me kërcënimin nga Kylian Mbappe, Neymar dhe Cavani në sulm, por insistoi që nuk funksioni atë mbrëmje./arbresh.info/